ନୟାଗଡ, (ଶ୍ରେୟ ତରଙ୍ଗ) : ଗୋଡ଼ିପଡା କୁ ବ୍ଲକ୍ ଦାବି ରେ, ଜିଲ୍ଲାପାଳ ଙ୍କୁ ଦାବିପତ୍ର ପ୍ରଦାନ କରିଛନ୍ତି ଅଞ୍ଚଳର ବୁଦ୍ଧିଜୀବୀ, ଜନପ୍ରତିନିଧୀ ମଣ୍ଡଳୀ । ଜିଲ୍ଲାର ତିନୋଟି ବ୍ଲକ୍ ନୟାଗଡ , ଓଡଗାଁ ଏବଂ ରଣପୁର ଠାରୁ ଗୋଡିପଡା ସମାନ ଭାବେ ୨୫କିମି ଦୂର ହୋଇଥିବା ବେଳେ ଏହି ଅଞ୍ଚଳରେ ଥିବା ପଞ୍ଚାୟତ ରଣପୁର ଏବଂ ଓଡଗାଁ ବ୍ଲକ୍ ଅଧୂନରେ ରହିଛି । ଫଳରେ ଲୋକମାନେ ପ୍ରଶାସନିକ ସୁବିଧା ପାଇଁ ଅସୁବିଧାର ସମ୍ମୁଖୂନ ହେଉଛନ୍ତି ।
ଗୋଡିପଡାକୁ ବ୍ଲକ୍ ଘୋଷଣା କରିବା ପାଇଁ ବିଜୁ ବାବୁଙ୍କ ସମୟରୁ ଦାବି ହୋଇଆସୁଛି । ରଣପୁର ନିର୍ବାଚନ ମଣ୍ଡଳୀ ରେ ଯାଉଥିବା ଗୋଡ଼ିପଡ଼ା ଜନସଂଖ୍ୟା, ଆୟତନ ଓ ବ୍ୟବସାୟ ଦୃଷ୍ଟିରୁ ଜିଲ୍ଲାରେ ଏକ ଜନଗହଳି ଛକ । ସେହିଭଳି, ଦମକଳ କେନ୍ଦ୍ର, କଲେଜ୍, ଫାଣ୍ଡି ର ସୁବିଧା ମଧ୍ୟ ରହିଛି । ଗୋଡିପଡ଼ା କୁ ବ୍ଲକ୍ ପାଇଁ କିଛି ବର୍ଷ ତଳେ ସର୍ଭେ କରାଯାଇଥିବା ବେଳେ ବର୍ତ୍ତମାନ ସରକାରଙ୍କ ବିଚାରାଧୀନ ରହିଛି । ବ୍ଲକ୍ ଓ ତହସିଲ ସୁବିଧା ହେଲେ, ଏହି ଅଞ୍ଚଳ ର ଅହେତୁକ ବିକାଶ ହେବ, ତେଣୁ ଦଳଗତ ନିର୍ବିଶେଷରେ ଗୋଡ଼ିପଡ଼ା ର ବୁଦ୍ଧିଜୀବିମାନେ ଆଜି ଜିଲ୍ଲାପାଳଙ୍କୁ ଭେଟି ବ୍ଲକ୍ ଦାବି ରେ ଦାବିପତ୍ର ଦେଇଛନ୍ତି।
