ରଣପୁର ( ଶ୍ରେୟ ତରଙ୍ଗ) : ବୃନ୍ଦାବନପୁର ଗାଁର ରଙ୍କ ବେହେରାଙ୍କ ପୁଅ ପ୍ରଶାନ୍ତ ବେହେରା ଦୁର୍ଘଟଣା ର ଶିକାର ହୋଇ ଶଯ୍ୟାଶାୟୀ ହୋଇଥିବା ବେଳେ, ଧୀରେ ଧୀରେ ମାନସିକ ରୋଗର ଲକ୍ଷଣ ତାଙ୍କ ଠାରେ ଦେଖା ଦେଇଥିଲା। ଦେହ ଅଧିକ ଖରାପ ହେବାରୁ , ଆଜି ପରିବାର ଲୋକ ତାଙ୍କୁ ରଣପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଚିକିତ୍ସା ନିମନ୍ତେ ନେଇଥିଲେ । ଡାକ୍ତର ଅଣଦେଖା କରିବା ସହ ଚିକିତ୍ସା କରିବେ ନାହିଁ କହି ଫେରାଇ ଦେଇଥିଲେ । କିନ୍ତୁ ରଣପୁର ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ର ମାନ ନୟାଗଡ଼ ଜିଲ୍ଲାପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ ଯାଞ୍ଚ କରିଥିବା ବେଳେ, ପ୍ରଶାନ୍ତ ଙ୍କ ସ୍ବାସ୍ଥ୍ୟ ଅବସ୍ଥା ଦେଖି , ଡାକ୍ତରଙ୍କ ସହ ଆଲୋଚନା କରିଥିଲେ । ପରେ ତାଙ୍କର ଚିକିତ୍ସା ଆରମ୍ଭ ହୋଇଥିଲା ।
