କନ୍ଧମାଳ (ଶ୍ରେୟ ତରଙ୍ଗ): ଭାରତ ସରକାରଙ୍କ ଦ୍ୱାରା ପ୍ରକାଶିତ ବାର୍ଷିକ କ୍ୟାଲେଣ୍ଡର୍ରେ ପ୍ରଧାନମନ୍ତ୍ରୀ ମୋଦିଙ୍କ ସହ ଭିକ୍ଷାବୃତ୍ତି କରି ଚଳୁଥିବା ଫୁଲବାଣୀର ତୁଳା ବେହେରାଙ୍କ ଫଟୋ ସ୍ଥାନ ପାଇଛି। କ୍ୟାଲେଣ୍ଡର ପ୍ରଥମ ପୃଷ୍ଠା ଜାନୁୟାରୀ ମାସରଏହି ଫଟୋ ସ୍ଥାନ ପାଇଛି । କ୍ୟାଲେଣ୍ଡର ଦେଖି ତୁଳା ଖୁସି ହୋଇଥିବା ବେଳେ, ପ୍ରଧାନମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ।
ତୁଳା ଭିକ୍ଷାବୃତ୍ତି କରି ସଞ୍ଚୟ କରିଥିବା ଏକ ଲକ୍ଷ ଟଙ୍କା ସ୍ଥାନୀୟ ଜଗନ୍ନାଥ ମନ୍ଦିରକୁ ଦାନ କରିଥିଲେ। ଏହି ଖବର ରାଜ୍ୟ ଓ ଦେଶରେ ଖୁବ୍ ଭାଇରାଲ ହୋଇଥିବାବେଳେ, ସାଧାରଣ ନିର୍ବାଚନ ସମୟରେ ପ୍ରଧାନମନ୍ତ୍ରୀ ମୋଦି ଫୁଲବାଣୀକୁ ପ୍ରଚାରରେ ଆସିଥିଲେ । ଫୁଲବାଣୀ ଷ୍ଟାଡିୟମ୍ ଠାରେ ଆୟୋଜିତ ନିର୍ବାଚନ ସଭାରେ ପ୍ରଧାନମନ୍ତ୍ରୀ ତୁଳା ବେହେରାଙ୍କୁ ସମ୍ବନ୍ଧିତ କରିଥିଲେ । ତୁଳାଙ୍କ ସହିତ କଥାବାର୍ତ୍ତା ହୋଇଥିଲେ। ମନ୍ଦିରକୁ ଦାନ ପରେ ମନ୍ଦିର କମିଟି ପକ୍ଷରୁ ତୁଳାଙ୍କ ପାଇଁ ମନ୍ଦିର ପରିସରରେ ଏକ ଗୃହ ମଧ୍ୟରେ ରହିବାର ବ୍ୟବସ୍ଥା କରାଯାଇଛି ।
କହିଛନ୍ତି, ଭିକ୍ଷାବୃତି ରୁ ସଞ୍ଚୟ କରି ଲକ୍ଷେ ଟଙ୍କା ହେଲେ ପୁଣି ଜଗାକୁ ଦେବି । ଫୁଲବାଣୀ ସହରରେ ସମସ୍ତ ଭିକାରୀ ମାନଙ୍କ ପାଇଁ ସମସ୍ତ ସୁବିଧା ଥାଇ ଗୃହ ନିର୍ମାଣ କରିବାକୁ ପ୍ରଧାନମନ୍ତ୍ରୀଙ୍କ ନିକଟରେ ଅନୁରୋଧ କରିଛନ୍ତି। ଏବେବି ପ୍ରତିଦିନ ତୁଳା ବେହେରା ଫୁଲବାଣୀ ସହର ରେ ବିଭିନ୍ନ ଛକ,ମନ୍ଦିର ଗୁଡ଼ିକ ରେ ବସି ଭିକ୍ଷା ବୃତ୍ତି କରୁଛନ୍ତି ।
