କନ୍ଧମାଳ ବ୍ୟୁରୋ (ଶ୍ରେୟ ତରଙ୍ଗ): କୀଟ କିସ୍ ତରଫରୁ ଫୁଲବାଣୀ କରୋନେଶନ ପଡ଼ିରେ ଶିକ୍ଷା ସମସ୍ତଙ୍କ ପାଇଁ ଲକ୍ଷ୍ୟରେ ମିନିମାରଥାନ ଅନୁଷ୍ଠିତ ହୋଇଯାଇଛି । କନ୍ଧମାଳ ଏସପି ହରିଶ୍ ବିଶି ଓ ବିଶିଷ୍ଟ କ୍ରୀଡାବିତ୍ ଜିଲ୍ଲା ଶିକ୍ଷା କ୍ରୀଡା ସମ୍ପାଦକ ଶିବ ତ୍ରିପାଠୀ ସବୁଜ ପତାକା ଦେଖାଇ ମାରାଥନ ର ଶୁଭାରମ୍ଭ କରିଥିଲେ ।
ମାରାଥନରେ ସଶତାଧିକ ଛାତ୍ର ଛାତ୍ରୀ , ବୁଦ୍ଧିଜୀବୀ ସାମିଲ ହୋଇ କରୋନେସନ୍ ପଡ଼ିଆ ରୁ ମାଦିଗୁନ୍ଦା ଛକ ପର୍ଯ୍ୟନ୍ତ ଦୌଡ଼ିଥିଲେ । ଉଦଯାପନୀ ସଭାରେ ଜିଲ୍ଲା ଅତିରିକ୍ତ ଜିଲ୍ଲାପାଳ ଅଶୋକ ଭୋଇ, ଆଞ୍ଚଳିକ ପରିବହନ ଟ୍ରାଫିକ ଇନ୍ସପେକ୍ଟର ଶିବାନୀ ମାଝୀ ପ୍ରମୁଖ ଯୋଗଦେଇ ମାରାଥନ ର ଲକ୍ଷ୍ୟ ସମ୍ପର୍କରେ ଆଲୋଚନା କରିଥିଲେ । ମାରାଥନ ର ସଫଳତା ପାଇଁ କୀଟ କିସ୍ ର ପ୍ରତିଷ୍ଠାତା ଅଚ୍ୟୁତାନନ୍ଦ ସାମନ୍ତ ଙ୍କୁ ଧନ୍ୟବାଦ୍ ଦେଇଥିଲେ ।
