ଗଣିଆ,(ଶ୍ରେୟ ତରଙ୍ଗ): ଗଣିଆ ଲଙ୍କାପୋଡ଼ି ଯାତ୍ରା ମହୋତ୍ସବ ନିମନ୍ତେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି । ଲଙ୍କାପୋଡ଼ି ଯାତ୍ରା କମିଟିର ସମସ୍ତ ସଭ୍ୟ ମନ୍ଦିର ପରିଚାଳନା କମିଟିର ସମସ୍ତ ସଭ୍ୟ, ଶ୍ରୀରାମ ଦୟା ପରିଷଦର ସମସ୍ତ ସଭ୍ୟଙ୍କ ଉପସ୍ଥିତିରେ ଏହି ବୈଠକ ଅନୁଷ୍ଠିତ ହୋଇଥିଲା । ସମସ୍ତ କମିଟିର କାର୍ଯ୍ୟକାଳ ସରିଥିବାରୁ ନୂତନ କମିଟି ଗଠନ ପାଇଁ ସର୍ବ ସମ୍ମତି କ୍ରମେ ନିଷ୍ପତି ନିଆଯାଇଥିଲା ।
ଶ୍ରୀରାମ ଲୀଳା କମିଟିର ସଭାପତି ଭାବେ ରାଜ କିଶୋର ସାହୁଙ୍କୁ ଚୟନ କରାଯାଇଥିବାବେଳେ ଉପ ସଭାପତି ସନ୍ତୋଷ କୁମାର ମିଶ୍ର, ସଂମ୍ପାଦକ ଉଦ୍ୟନାଥ ସାହୁ, ସହ ସମ୍ପାଦକ ପ୍ରଭାତ କୁମାର ଦାଶଙ୍କୁ ମନୋନୀତ କରାଯାଇଛି । ଲଙ୍କାପୋଡ଼ି ଯାତ୍ରା କମିଟିର ସଭାପତି ବିଜୟ କୁମାର ସାହୁ, ଉପ ସଭାପତି ଅଶୋକ କୁମାର ବେହେରା, ସମ୍ପାଦକ ଅଜୟ କୁମାର ଲେଙ୍କା, ସହ ସମ୍ପାଦକ ବିଶ୍ୱରଂଜନ ସେଠୀ, କୋଷାଧ୍ୟକ୍ଷ ସୁନିଲ କୁମାର ସାହୁ ଓ କିଶୋର କୁମାର ପଣ୍ଡାଙ୍କୁ ମନୋନୀତ କରାଯାଇଛି । ସେହିପରି ମନ୍ଦିର ପରିଚାଳନା କମିଟିର ସଭାପତି ଦ୍ୱିତିକୃଷ୍ଣ ସାହୁ, ଉପ ସଭାପତି ବସନ୍ତ କୁମାର ସାହୁ, ସମ୍ପାଦକ ଆନନ୍ଦ ଚନ୍ଦ୍ର ବେହେରା, ସହ ସମ୍ପାଦକ ସାନୁଜ ରାମ ମିଶ୍ର ଓ କୋଷାଧ୍ୟକ୍ଷ ଉଦ୍ୟନାଥ ସାହୁଙ୍କୁ ମନୋନୀତ କରାଯାଇଛି । କମିଟିର ସମସ୍ତ କାଯ୍ୟକୁ ପୁଙ୍ଖାନୁପୁଙ୍ଖ ଭାବେ ତଦାରଖ କରିବାକୁ ଦ୍ୱିତିକୃଷ୍ଣ ସାହୁ ଓ ଖଗେଶ୍ୱର ବେହେରାଙ୍କୁ ଦାୟିତ୍ୱ ଦିଆଯାଇଛି । ୧୯୭୩ ମସିହାରୁ ଆରମ୍ଭ ହୋଇଥିବା ଗଣିଆ ଲଙ୍କାପୋଡ଼ି ଯା୍ତ୍ରା ଚଳିତ ବର୍ଷ ୫୩ ବର୍ଷରେ ପଦାର୍ପଣ କରିଥବାରୁ ଗଣିଆ ଗ୍ରାମବାସୀଙ୍କ ତରଫରୁ ବଡ଼ ଧୁମଧାମରେ ପାଳନ କରିବା ପାଇଁ ସର୍ବ ସମ୍ମତି କ୍ରମେ ସଭାରେ ନିଷ୍ପତି ନିଆଯାଇଛି । ତେବେ ଆସନ୍ତା ଏପ୍ରିଲ ୬ ତାରିଖରେ ଶ୍ରୀରାମ ନବମୀ ପଡ଼ୁଥିବାରୁ ସେହିଦିନଠାରୁ ୨୩ଦିନ ଧରି ରାମ ନାଟକ ପରିବେଷଣ କରାଯାଇ ରାବଣବଧ ଓ ଲଙ୍କାପୋଡ଼ି ଯାତ୍ରା ଅନୁଷ୍ଠିତ ହେବ । ଏପ୍ରିଲ ମାସ ୨୯ ତାରିଖରେ ଓଡ଼ିଶା ପ୍ରସିଦ୍ଧ ରାବଣ ପୋଡ଼ି ଉତ୍ସବ ବା ମୁଖ୍ୟ ଲଙ୍କାପୋଡ଼ି ଉତ୍ସବ ଅନୁଷ୍ଠିତ ହେବ । ପ୍ରଥମଥର ପାଇଁ ଗଣିଆରେ ଗଣିଆ ମହୋତ୍ସବ ହେବାପାଇଁ ଲଙ୍କାପୋଡ଼ି ଯାତ୍ରା କମିଟିର ନୂତନ ସଭାପତି ବିଜୟ କୁମାର ସାହୁ ପ୍ରସ୍ତାବ ଦେଇଥିଲେ । ସର୍ବସମ୍ମତି କ୍ରମେ ଗଣିଆରେ ଆଂଚଳିକ ସ୍ତରୀୟ ମହୋତ୍ସବ ହେବାପାଇଁ ନିଷ୍ପତି ନିଆଯାଇଥିଲା । ଶେଷରେ ନୂତନ ସଭାପତି ଲଙ୍କାପୋଡ଼ି ଯାତ୍ରାକୁ ଧୁମଧାମରେ କରିବା ପାଇଁ ସମସ୍ତଙ୍କ ସହଯୋଗ କାମନା କରିଥିଲେ ।