ନୟାଗଡ଼, (ଶ୍ରେୟ ତରଙ୍ଗ) : ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପ୍ରତି କଂଗ୍ରେସ ନେତ୍ରୀ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ଅପମାନଜନକ ଶବ୍ଦ ପ୍ରୟୋଗ କରିଥିବାରୁ, ପ୍ରତିବାଦରେ ନୟାଗଡ଼ ଭାରତୀୟ ଜନତା ପାର୍ଟି ପକ୍ଷରୁ ନୂଆ ରାଜବାଟୀ ଠାରୁ ବରିଷ୍ଠ ଭାଜପା ନେତ୍ରୀ ତଥା ପୂର୍ବତନ ସାଂସଦ ରାଣୀ ପ୍ରତ୍ୟୁଷା ରାଜେଶ୍ୱରୀ ସିଂ ଙ୍କ ନେତୃତ୍ୱରେ ପ୍ରତିବାଦ ଶୋଭାଯାତ୍ରା ବାହାରି ସ୍ଥାନୀୟ ଜଗନ୍ନାଥ ମନ୍ଦିର ଛକରେ ସୋନିଆଙ୍କ କୁଶ ପୁତ୍ତଳିକା ଦାହ କରିଥିଲେ ।
ଆୟୋଜିତ ଏହି ପ୍ରତିବାଦ କାର୍ଯ୍ୟକ୍ରମରେ ନୟାଗଡ ଜିଲ୍ଲା ପ୍ରଭାରୀ ନିରଞ୍ଜନ ମିଶ୍ର, ନାସିର ଅହମ୍ମଦ, ପ୍ରହଲ୍ଲାଦ ବରାଡ଼, ସୌମ୍ୟ ରଞ୍ଜନ ପ୍ରଧାନ, ରଞ୍ଜନରଶ୍ମି ଜେନା, ନଳିନୀ ଅପା, ଉର୍ମିଳା ଗନ୍ତାୟତ, ସୁଜାତା ତ୍ରିପାଠୀ ପ୍ରମୁଖ ଶତାଧିକ ଦଳୀୟ କର୍ମୀ ଉପସ୍ଥିତ ରହି କଂଗ୍ରେସ ବିରୋଧୀ ବିଭିନ୍ନ ନାରାବାଜି ଦେଇଥିଲେ ।
ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଉପର ବେଡ଼ା ଅଞ୍ଚଳ ରୁ ଭାରତ ବର୍ଷର ସର୍ବଶ୍ରେଷ୍ଠ ସମ୍ମାନ ଜନକ ବଙ୍ଗଳା ରାଷ୍ଟ୍ରପତି ଭବନ ରାଇସିନା ହଲ କୁ ଯିବାର ସୌଭାଗ୍ୟ ଅର୍ଜନ କରିଥିବା ତଥା ପ୍ରଥମ ଓଡ଼ିଆ ଆଦିବାସୀ ମହିଳା ରାଷ୍ଟ୍ରପତି ଭାବେ ନିର୍ବାଚିତ ହେବାର ସୌଭାଗ୍ୟ ଅର୍ଜନ କରିଛନ୍ତି ଦ୍ରୌପଦୀ ମୁର୍ମୁ । କିନ୍ତୁ କଂଗ୍ରେସ ନେତ୍ରୀ ସୋନିଆ ଗାନ୍ଧୀ ଜଣେ ମହିଳା ହୋଇ,ଆଉ ଜଣେ ମହିଳାଙ୍କ ପ୍ରତି ଯେଉଁଭଳି ଅଶାଳୀନ ଶବ୍ଦ ବ୍ୟବହାର କରିଛନ୍ତି, ତାକୁ ସର୍ବ ଭାରତୀୟ ସ୍ତରରେ ବହୁ କେନ୍ଦ୍ର ମନ୍ତ୍ରୀ, ବରିଷ୍ଠ ବିଜେପି ନେତା ମାନେ ତୀବ୍ର ବିରୋଧ କରିବା ସହ, ସବୁଠି ପ୍ରତିବାଦ ର ସ୍ଵର ଦେଖିବାକୁ ମିଳୁଛି ।