ବାଲେଶ୍ଵର (ଶ୍ରେୟ ତରଙ୍ଗ) : ଦୁର୍ଘଟଣାରେ ଚାଲିଗଲା ତିନି ଜଣଙ୍କ ଜୀବନ ।
ବାପାଙ୍କ ମୃତ ଦେହକୁ ଭୁବନେଶ୍ୱର ରୁ ଆମ୍ବୁଲାନ୍ସ ରେ ଧରି ଆସୁଥିବା ବେଳେ, ଅଧା ବାଟରେ ଏକ ବଡ଼ ଧରଣର ଦୁର୍ଘଟଣା ଘଟି ତିନି ଜଣଙ୍କର ଜୀବନ ଚାଲିଯାଇଛି । l ଗୋଟିଏ ଦିନରେ ଗୋଟିଏ ପରିବାର ର ତିନି ଜଣକୁ ହରାଇବାର ଦୁଃଖରେ ସମ୍ପୂର୍ଣ ପରିବାର ଭାଙ୍ଗି ପଡିଥିବା ବେଳେ, କାନ୍ଦ ବୋବାଳି ରେ ଗାଁ ଦାଣ୍ଡ । ଏଭଳି ଦୁଃଖଦ ଘଟଣା ଘଟିଛି ବାଲେଶ୍ଵର ଜିଲ୍ଲା ଭୋଗରାଇ ଥାନା ଶ୍ରଧାପୁର ପଞ୍ଚାୟତ ପଲାସିଆ ଗାଁରେ ।
ଭଦ୍ରକ 16 ନଂ ଜାତୀୟ ରାଜପଥର ମଇତାପୁର ନିକଟରେ ଆମ୍ବୁଲାନ୍ସ ଓ ଡମ୍ପର ଧକ୍କାରେରେ ଚାଲିଗଲା 3 ଜୀବନ । ବାଲେଶ୍ଵର ଜିଲ୍ଲା ଭୋଗରାଇ ଥାନା ଅଧୀନସ୍ଥ ଶ୍ରଦ୍ଧାପୁର ପଞ୍ଚାୟତ ପଲାସିଆ ଗାଁର ଦିବାକର ଜେନାଙ୍କ ଦେହ ଅସୁସ୍ଥ ହେବାରୁ ତାଙ୍କୁ କଟକ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଦିବାକରଙ୍କର ମୃତ ହେବା ପରେ ମୃତଦେହ କୁ ଆମ୍ବୁଲାନ୍ସ ଯୋଗେ ଘରକୁ ନେଇ ଆସୁଥିଲେ ପରିବାର ଲୋକେ । ମଇତାପୁର ଛକ ନିକଟରେ ଆମ୍ବୁଲାନ୍ସ ଭାରସାମ୍ୟ ହରାଇ, ରାସ୍ତା କଡ଼ରେ ଛିଡା ହୋଇଥିବା ଏକ ଡମ୍ପର ଟ୍ରକର ପଛପଟୁ ଧକ୍କା ଦେଇଥିଲା । ଘଟଣା ସ୍ଥଳରୁ ଲୋକେ ସମସ୍ତଙ୍କୁ ଉଦ୍ଧାର କରି ଭଦ୍ରକ ମେଡିକାଲରେ ଭର୍ତ୍ତି କରିଥିଲେ । ସେଠାରେ ମୃତ ଦିବାକରଙ୍କ ପୁଅ ସଞ୍ଜୟ ଜେନା , ଭିଣୋଇ ସୁଧାଂଶୁ ଦଳାଇ , ଓ ଆମ୍ବୁଲାନ୍ସ ଡ୍ରାଇଭର ଦିଲ୍ଲୀପ ସିଂ ଙ୍କର ମୃତ୍ୟୁ ହୋଇଛି । ସ୍ତ୍ରୀ ସାବିତ୍ରୀ ଜେନା ଗୁରୁତ୍ୱର ଭାବେ ମେଡିକାଲରେ ମୃତ୍ୟୁ ସହ ସଂଗ୍ରାମ କରୁଛନ୍ତି l