କନ୍ଧମାଳ ବ୍ୟୁରୋ ( ଶ୍ରେୟ ତରଙ୍ଗ), ଏକ ନାବାଳିକା ଦୁଷ୍କର୍ମ ମାମଲାର ଶୁଣାଣି କରି ଫୁଲବାଣୀ ପୋସ୍କ କୋର୍ଟ ବିଚାରପତି ରାଜେଶ ଦାସ ଅଭିଯୁକ୍ତ ଫୁଲବାଣୀ ଟାଉନ ଥାନା ଅଞ୍ଚଳର ସୁରଥ ବେହେରା ଙ୍କୁ 20 ବର୍ଷ ସଶ୍ରମ କାରାଦଣ୍ଡ ରେ ଦଣ୍ଡିତ କରିବା ସହ 20 ହାଜର ଟଙ୍କା ଜୋରିମାନା ଆଦେଶ ଦେଇଛନ୍ତି l ଜୋରିମାନା ଅନାଦୟେ ଅଧିକ 6 ମାସ ସଜା ଶୁଣାଇଛନ୍ତି । ଘଟଣାରେ ସମ୍ପୃକ୍ତ ଅନ୍ୟଜଣେ ଅଭିଯୁକ୍ତ ଅଗସ୍ଥି ବେହେରା ଫେରାର ଥିବା କୋର୍ଟ ପକ୍ଷରୁ ସୂଚନା ମିଳିଛି । ସୂଚନା ପ୍ରକାରେ ଗତ 2020 ମସିହା ନଭେମ୍ବର୍ 28 ତାରିଖ ଦିନ ନାବାଳିକା ଜଣଙ୍କ ସ୍କୁଲର ପାଠ ପଢିବା ପାଇଁ ଆଇ ଟି ଆଇ ନିକଟସ୍ଥ ନିଜ ସାଙ୍ଗ ପାଖକୁ ଯାଉଥିବା ବେଳେ ଅଭିଯୁକ୍ତ ସୁରଥ ବେହେରା ଏବଂ ତାଙ୍କର ଜଣେ ସହଯୋଗୀ ଅଗସ୍ଥି ବେହେରା ଦୁଇଜଣ ଗୋଟିଏ ସ୍କୁଟି ରେ ଆସି ନାବାଳିକାକୁ ତାର ସାଙ୍ଗ ଘରେ ଛାଡି ଦେବେ ବୋଲି କହିଥିଲେ ନାବାଳିକା ଉଭୟଙ୍କୁ ଚିହ୍ନି ଥିବାରୁ ତାଙ୍କ ସହ ସ୍କୁଟି ରେ ଯାଇଥିଲା। ତେବେ ଅଭିଯୁକ୍ତ ନାବାଳିକାଙ୍କୁ ସାଙ୍ଗ ଘରେ ନଛାଡ଼ି ଭେଟଖୁଲ ଘାଟି ଜଙ୍ଗଲକୁ ନେଇ ଅଭିଯୁକ୍ତ ସୁରଥ ବେହେରା ନାବାଳିକାକୁ ଦୁଷ୍କର୍ମ କରିଥିଲା ଅଭିଯୁକ୍ତର ସାଙ୍ଗ ଅଗସ୍ଥି ବେହେରା ଦୁଷ୍କର୍ମରେ ସହଯୋଗ କରିଥିଲା। ଦୁଷ୍କର୍ମ କରିବା ପରେ ଅଭିଯୁକ୍ତ ପୀଡିତାଙ୍କୁ ଦୁଷ୍କର୍ମ ସମ୍ପର୍କରେ କାହାକୁ କହିଲେ ଜୀବନରେ ମାରି ଦେବାକୁ ଧମକ ଦେଇଥିଲା। ଭୟରେ ପିଡିତା କାହାକୁ କିଛି କହିନଥିଲେ। ଘଟଣାର 26 ଦିନ ପରେ ପିଡିତା ନିଜର ପିଇସି ନାନୀ ଘରକୁ ଯାଇଥିଲେ ସେଠାରେ ସାହାସ କରି ସବୁକଥା ପିଇସି ନାନୀଙ୍କୁ କହିଥିଲେ । ପିଇସି ନାନୀ ଘଟଣା ସମ୍ପର୍କରେ ପୀଡିତାଙ୍କ ପରିବାର କୁ ଜଣାଇଥିଲେ ।ପରିବାର ଲୋକେ ଜାଣିବା ପରେ ପୀଡିତାଙ୍କ ବାପା 24. 12. 2020 ତାରିଖ ଦିନ ଫୁଲବାଣୀ ଟାଉନ୍ ଥାନା ରେ ଅଭିଯୋଗ କରିଥିଲେ ଅଭିଯୋଗ ମୁତାବକ ଟାଉନ ଥାନା ପୋଲିସ 166/2020 ରେ ଏକ ମାମଲା ରୁଜୁ କରି ଉଭୟ ଅଭିଯୁକ୍ତଙ୍କୁ କୋର୍ଟ ରେ ହାଜର କରିଥିଲେ l ତେବେ ବେଲ ରେ ଥିବା ଅଭିଯୁକ୍ତର ସହଯୋଗୀ ଅଗସ୍ଥି ବେହେରା ଫେରାର ଥିବା ବେଳେ ଆଜି 11 ଜଣ ସାଖି ଡାକ୍ତରି ପ୍ରମାଣ କୁ ଭିତ୍ତିକରି ଅଭିଯୁକ୍ତ ସୁରଥ ବେହେରା କୁ 20 ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି ବିଚାରପତି। ଏହାସହ ପୀଡିତାଙ୍କୁ 10 ଲକ୍ଷ୍ୟ ଟଙ୍କାର ସହାୟତା ରାଶି ପ୍ରଦାନ କରିବାକୁ ଡି ଏଲ୍ ଏସ୍ ଙ୍କୁ ନିର୍ଦ୍ଦେଶ ଦେଇଛନ୍ତି ବିଚାରପତି। ସରକାରୀ ଆଇନଜୀବି ଅସୀମ ପ୍ରହରାଜ, ଏ ନେଇ ଗଣମାଧ୍ୟମ ରେ ସୂଚନା ଦେଇଛନ୍ତି ।
